睇番電視

依家又開始睇番啲英美電視節目。

呢個唧瘡節目我幾鍾意睇。台灣叫戰痘醫師。啲手術畫面冇遮冇掩夠血腥，非常吸引。 普通嘅係割粉瘤啦，脂肪瘤啦。英國都有個類似嘅節目。但係我睇德文配音版，唔知個節目英文名係乜。

Simpsons作者嘅作品。做到第三季我先知。故事背景係中世紀時代。

  唔知係咪新畫嘅呢？第一集交代咗Snoopy點入屋，Snoopy同隻雀點識。

美版一筆out銷. 依家先引入到美國。個主持窒人呀，笑話呀都幾好笑。

估歌仔遊戲節目。畀人估啲歌由金曲到流行曲都有。

有聽開英文歌嘅我幾鍾意睇。而呢個形式奧地利應該會有market, 因為電台時不時都有類似嘅估歌仔遊戲。

老人精一到星期五英國時間九點就會睇BBC Four 重播嘅TOTP（居然上星期改咗時間，miss咗）.  因為呢個節目冇人擺上網，所以要睇live。我冇衛星電視，好彩有非法網站可以睇到世界各地嘅電視轉播。

年輕時香港冇得睇，依家補番數啦。依家播梗九十年代嘅排行榜。當時嘅hit歌原來好多我都遺忘咗。

新出嘅卡通。睇吓無妨。

易裝皇后選拔賽。今季最特別係有一個由女變咗男嘅參賽者，因為要搵食又要扮番女人。。。好混亂呀。

英國版同一個主持, 形式都一樣。只係啲參賽者好強英國口音囉。

新一季冇乜喜劇吸引我，只有繼續追Superstore。劇情都幾updated㗎，呢季係疫情中嘅故事。