六合彩

奧地利六合彩嚟咗咁耐我只識買，但就唔多知個獲獎資格。我只知呢度中咗特別號碼係有獎嘅（因為中過好多次）。

最近就中咗兩個字加特別號碼。心諗仲唔有錢攞。上網核對啦，點知居然話冇獎喎。 

乜邏輯唔係兩個加特別號碼係仲難中過只係一個特別號碼嘅咩。即刻睇吓個派彩條件。

最左係寫blog時嗰期攪珠有幾多人中，最右係派彩。

上至下

• 頭獎（已經五期冇人中，下期頭獎可獨得五百幾萬歐）
• 5個字加特別號碼
• 5個字
• 4個字加特別號碼
• 4個字
• 3個字加特別號碼
• 3個字
• 特別號碼

睇嚟中特別號碼有1.2歐攞只係引你再買多次。