電視新聞

電視新聞最近做個疫情對經濟嘅影響嘅報導。

依家奧地利有五十幾萬人失業。四十幾萬人（包括我）喺保就業計劃 (縮減工時人工減少啲啲）。

奧地利第四季經濟增長率係 - 7,8%.  比其他歐洲國家差好多。

分析話奧地利經濟太依賴旅遊業。而封城時間又比其他國家長。

接種疫苗嘅速度歐盟比其他地方慢。 每一百人計以色列已經有37.4人接種咗至少一劑。英國都有14.2.  而主要接種中國疫苗嘅塞爾維亞都有7.3。

喺歐盟當中馬爾他打得最快。奧地利低於歐盟平均數。

預計復活節前奧地利會有一百萬人接種到（全國有七百萬人）。維也納居民就預計九月底就可以接種晒喎。聽住先啦。