2021年2月7日星期日

局部解封

各地對抗疫情手法不同。香港玩突襲封區。而我呢邊星期一局部解封喇。唔好以為疫情受控喎。奧地利每日仍然超過 1500人新確診。

除咗餐廳酒店,所有嘢都可以開。但係顧客同員工都一定要戴FFP2/ N95。舖頭要控制人流,每20m² 只可以一個客。超市嘅應對係只放置指定數量嘅購物車。有購物車嘅顧客先可以入內購物。

唔可以保持兩米社交距離嘅服務性行業如理髮店, 員工一定要做檢測,最少一星期一次。職員唔可以向顧客提供飲品。而顧客要有48小時內嘅陰性檢測報告。有關檢測可以去檢測中心或藥房做(有少部份藥房提供免費服務)。

低年級學生(約至十歲)恢復面授課。高年級要分兩,一斑只返星期一二,另一返三四。星期五home schooling。

低年級學生喺走廊要戴口罩(任何款式)。高一啲嘅喺課室都要戴。再高嘅喺課室就一定要戴FFP2/ N95。 

返學嘅學生需要喺學校做自我檢測(每逢星期一三)。政府已經派發檢測工具到學校。

低年級建議喺戶外做,家長可以從旁協助。五年級以上嘅學生喺老師嘅指引下喺課室自己插。

只有有證明喺過去六個月中咗武肺嘅學生先可以豁免檢測。唔做檢測嘅學生只可以home schooling。學生用嘅檢測,好似撩鼻屎咁條嘢唔使插到好入。

體育堂時唔需要戴口罩。但係唔可以做有身體接觸嘅運動。音樂堂就唔可以唱歌。(香港教育局會唔會偷吓師呢?)

宵禁時間縮短到由夜晚八點到朝早六點。
 

20 則留言:

  1. 特點強檢後確診數字係低咗,希望快啲清零啦!

    呢邊對社交距離唔太注重。

    係班唔係斑點

    回覆刪除
    回覆
    1. 香港人咁多,可難叫人保持社交距離。
      Thank you,改咗。

      刪除
  2. 我哋係你哋10 倍每日確診呀。最好大致維持咁樣多一段時間。

    回覆刪除
  3. 你們是否太早解封了?

    回覆刪除
  4. 潛伏期越來越長,
    又無病徵,
    又會變種,
    都是觀察耐點好些...
    但大家都抗疫疲勞,
    “寂寞難耐”...
    哎呀...難!難!難!

    回覆刪除
    回覆
    1. 我都覺得太早解封,應該睇耐多啲啲。

      刪除
  5. 香港學校上年仍有回校上課時,巳經改為半日課,免學生在學校午飯,在校內任何時間也要戴上口罩。上PE課的時候分曬組,不可以玩近距離有接觸運動,可以慢跑或打乒乓球,全程亦要戴口罩。小息時亦不可以在操場運動。但我兒子的學校十一月尾仍未停課時有聯校畢業典禮,雖然是在網上進行,但仍有直播樂隊和劇團在學校禮堂的表演,不幸地雖然表演者數目不多,而且人人都有戴口罩,仍有人在外感染了,結果所有表演者都要接受檢測及在家隔離數天,包括我兒子,幸好無事。之後第四波疫情開始嚴重,唯有暫停面授課。但其實教育局有讓學校自行決定是否有限度面授的,我有些朋友子女的學校,有讓不同班級間歇性的回校上課。因為要應付DSE考試,我相信全港所有中六學生一直無間斷過回校上課。網課初期,我兒子的學校沒有取消PE堂,要他們對著鏡頭meditate. 後來改了讓他們自修,但又有同學唔生性,走咗去瞓覺,而且瞓到唔知醒,連PE之後那一堂都無上,結果連累其他同學,全校除消自修堂,播學習video,並在看後即做工作紙。香港單是小一至中六巳有超過三十七萬學生,要人人每星期二次自行檢測不容易。我個人覺得只要疫程緩和後,可以開始回校上半日課,香港學生一般對戴口罩十分合作,問題不大。其實教育局巳宣布在農曆年假後可以有三分一班級回校上課。網上上課,學生難集中精神,有不明白的地方想發問亦比較麻煩。

    回覆刪除
    回覆
    1. 返半日,但係咁多人坐埋喺課室都危險嗰噃。
      PE堂meditate笑咗。

      刪除
  6. 今日開始學生一定要戴醫護用口罩, 自己布製嘅係唔可以用

    回覆刪除
  7. 你哋d廢官同香港有得揮
    隻垃圾5毛又等糧出

    回覆刪除
    回覆
    1. 同香港有得揮,所以面完全唔會思鄉。

      刪除
  8. 你處人少可以咁嘅.....不過真係瑣碎到哩!!

    回覆刪除
  9. 1500同英國比真係濕濕碎😂

    回覆刪除
    回覆
    1. 再同香港比,香港簡直係冇疫情。

      刪除

入咗嚟,不如寫幾隻字,留個言啦.