閒逛

星期日喺市中心閒逛。

發現一個中庭有一棟舊建築重建中。乜都拆晒只保留外殼。呢度將會係一間新嘅私人藝術博物館。

而起博物館存在一啲私相授受嘅疑點。話說藝術品持有人長期向依家嘅執政黨捐獻。之後政府就話會資助呢位人士起一間博物館等佢啲收藏可以向公眾展出。 政黨收咗錢，再用公家錢去倒貼。

而將來嘅館長係一位維也納一間知名博物館嘅前館長。佢因為被揭發濫用職權，公器私用而辭職。依家捲土重來，真係厚顏。

之後嚟到皇宮嘅背面。

翻新咗冇耐，所以外牆白白的。

而呢個係啲私人宮殿。入過去一次，好靚㗎。

有呢個奧匈帝國嘅雙頭鷹。