新C坑

德國連鎖藥妝店自家品牌嘅產品我見好多去德國旅行嘅人都去掃。

呢個牌子價廉物美。尤其佢嘅沐浴露, 我好鍾意佢個味。

某日見有幾款期間限定, 入貨啦（真係限定，我用過左邊嗰隻。之後想再買就冇貨喇）。右邊係最新嘅大麻味 (未開嚟用)。

（註＞德國嘅藥妝產品好鍾意用外來語--英文。）

某日收到一本兒童圖書。翻譯自西班牙文。

 幾可愛。

超簡單介紹李小龍一生。 

呢啲書通常我會轉贈他人，但係我識嘅小朋友一係太大，一係太細，唔啱睇, 所以我留番嚟自己收藏。

我follow開以下呢個channel。係兩位非洲小朋友煮中菜。佢哋冇廚房，要燒柴。但係見佢哋食得好滿足，睇見都好療癒。而呢一集佢哋就冇煮飯，食自熱海底撈。

 

我鄉下仔只聽過海底撈。當然嗰盒嘢係未見過未食過啦。

某日見中超有賣喎。揀咗伏味唔太濃嘅番茄小酥肉（普通話幾時講番茄，幾時講西紅柿嘅呢？）。8.90歐一盒超貴。維也納平平地買個外賣都係呢個價錢㗎咋.

個兜好大。但係食物部分只係白色兜。內裡有粉絲，湯底，肉，蔬菜，自熱包，餐具。

自熱包放入水。好快就聽到水滾聲。煮15分鐘有得食。啲湯真係夠熱。蔬菜爽口。味道OK。

盒嘢真係好唔環保。黑色外兜係完全乾淨。我留起佢用嚟種嘢。

兜嘢有肉，包裝冇代理嘅貼紙，又冇德文, 疑似係非法進口歐盟。

突然想知香港賣幾錢啦。。。百乜惠乜嘅網上超市都冇賣。。唔通含有香港唔批嘅添加劑？淘寶就賣約人民幣35。