橙味果醬杏仁撻

屋企有好多人哋送嘅自家製嘅柑果醬. （奧地利當然種唔到柑啦。呢啲柑都係克羅地亞直送嘅。）

見呢個食譜要用到橙味果醬。橙同柑差唔多啦. 就整呢個撻。

現成牛油撻皮舖上25cm 撻模。督窿，用嘢壓住，180度焗15分鐘。待涼備用。

蛋糕糊＞120g 牛油，120g 糖，一個橙皮，兩隻蛋，20g 麵粉，90g 杏仁粉, 1/4 茶匙發粉.

撻皮搽上果醬，倒入蛋糕糊。放上兩個啤梨（去皮，一開四. 但係我唔記得買，冇落。）灑上杏仁片，160度焗50分鐘。

果醬叮熱。搽上剛出爐嘅蛋糕面。放涼後食得。

今次個撻皮邊焗得好脆。個蛋糕又香橙味。好食。