北菇滑雞煲仔飯

見好耐冇買過臘腸食，咁就整呢個北菇滑雞煲仔飯啦。

https://www.youtube.com/watch?v=1-7OjH59f30

五六隻冬菇浸好後切半，用一湯匙豉油，少少粟粉，一湯匙蠔油，少少油醃。

一煲凍水放一條臘腸，煲到滾就熄火。撈起備用。

一隻雞髀切件，洗清血水後印乾。兩片薑片切條，蔥花，芫荽，一湯匙酒，半茶匙鹽，一湯匙豉油，一湯匙蠔油，胡椒，半茶匙糖，一茶匙粟粉醃三十分鐘。之後落一湯匙油撈勻。

煲仔飯豉油＞慢火爆香三粒乾蔥，蔥花，芫荽。轉大火饌酒，加12湯匙水。然後落三湯匙豉油，三湯匙老抽，一湯匙蠔油，一茶匙糖。兜嘢一滾起就熄火。

煲一碗米，一碗水。飯未熟時落雞，菇，臘腸。食時淋啲豉油。

我。。。邊有煲仔吖。於是用個易潔煲煲一大煲食幾餐。可能太貪心面頭落咗好多料。啲飯熟咗雞仲未熟。因為怕煮燶啲飯，所以我將所有面頭嘅料夾起另外用煎pan煎熟。最後變咗碟頭飯。有啲啲飯焦㗎。

好味道，但係我唔記得咗香港呢個飯應該係乜味。話唔到畀大家知似唔似。