曲奇皮蛋撻

整撻我次次都失敗。最近睇咗一個整雞批嘅視頻。學咗啲技巧。於是想整蛋撻練習吓先。

https://www.youtube.com/watch?v=y1TGS_OUvqk

六個份量 ( 食譜份量都好準吓）

撻皮: 75g 麵粉,  10g 粟粉,  40g 牛油, 25g 糖, 20g 蛋 (我呢邊嘅係約半隻蛋）, 少少鹽 

蛋漿: 70ml  熱水 , 25g 糖,  55ml 花奶 （因為要特登去亞超先有，我只係用全脂奶）, 一隻蛋, 少少鹽

牛油先放軟身後，同所有其他搓好，分六份，慢慢用指公壓落撻模（皮高過模約0.5cm），然後雪一個鐘。 

熱水加入糖同鹽，加奶，拌勻. 打好隻蛋，倒落奶水。蛋漿過篩，雪一個.

啲料回溫後，皮底㓤窿。加入蛋漿（八成滿），放焗爐較低處, 180度焗10分鐘，之後如果個餡未熟，蛋撻轉至較高位置，再焗。

脫模時只要倒轉捏吓個模就會甩出嚟。 

美中不足係個餡我覺得唔夠甜。
呢次成功嘅經驗，終於有信心整其他撻喇（好快已經整咗第二次）。