啤梨菠蘿炒蝦仁

原來某雜誌嘅yt頻道好似每日都有三餸一湯嘅食譜。仲要係中英對照，方便啲遮遮跟住煮。

見其中一個好似啱我食，整吓啦。

 https://www.youtube.com/watch?v=4s9iGbcMF-c

一個未熟透嘅啤梨去皮切粒，用水浸住。一罐菠蘿切件(睇片好似係細罐嘅)。

200g 蝦印乾。用鹽，胡椒撈撈。

一茶匙豉油，少少菠蘿汁，一茶匙糖，一茶匙粟粉撈勻備用。

蝦落鑊炒兩分鐘，加生果，落汁料。

煮嗰時先發現屋企嗰罐唔係菠蘿，而係荔枝。之前煮過荔枝炒牛肉覺得唔錯。用荔枝代替菠蘿應該都好味。 

我用咗半碗罐頭汁，用嚟撈飯啱啱好。呢個配搭好好味。