藝術細胞

我有條癮買嗰啲出奇蛋之類有玩具嘅嘢食。 但係嗰啲玩具要唔要都罷。唔要又嘥，細細粒又唔知畀邊個會要喎。

儲吓儲吓突然藝術細胞爆發, 黐起晒佢（有一兩粒係其他嘅小玩具用嚟攝吓位）。

細胞爆發開, 又摷咗啲過期嘅糖出嚟，真空包住佢，又放相架。

好耐好耐之前喺推廣多明尼加共和國嘅活動中攞咗啲匙扣，但係三尖八角唔好用，於是又黐起佢。

最後係早早前整嘅。順便畀埋大家睇啦。 

呢啲係藥水膠布。好多都係喺香港買嘅。而呢邊比較少呢類卡通款。

啲膠布都買咗好耐，怕過期，咁又黐起佢啦。