2021年3月2日星期二

在家檢測

 奧地利噚日開始喺各藥房有免費檢測工具派。

年滿十五歲,有強制醫保同醫保卡冇隱藏病歷*嘅人都可以每月免費攞五份自我快速檢測工具。

*註>我估因為opt out咗嘅人,藥房睇唔到你有冇攞過。

政策實施前一日政府都未公佈派發嘅細節。而報導話全國只有六十萬份,派晒就要等新貨返。

預計好多人會第一日就去攞,藥房工會(?)呼籲市民唔好迫喺同一日嚟。

我就睬你都生芒果,第一日一早見藥房冇人排隊,就入去問佢有冇啦。

另外噚日亦宣佈咗第二階段解封詳情(漠視新感染人數有回升嘅趨勢)。

搵咗Vorarlberg州(瑞士隔籬)做試點。3月15起有陰性檢測報告嘅人可以去露天餐廳,文化活動等。如果疫情冇新爆發,全國就會喺3月27開始准許露天餐廳營業。

文化活動, 酒店就睇吓四月可唔可以開。 

睇新聞發現一個德文新辭彙Ketchup-Impfen (直譯係茄汁疫苗接種). 形容奧地利嘅接種速度好似倒茄汁咁,唧極都唔出.

26 則留言:

  1. 我地呢度又吹風, 一時話收緊, 一時又叫忍耐幾個禮拜

    回覆刪除
  2. 咁快手,必定係插肛門式試棒。

    回覆刪除
    回覆
    1. 係嘅就唔自己測啦,仲唔去檢測中心搵人插。

      刪除
  3. 乜奧國人咁小家,茄汁都唔捨得大力唧

    回覆刪除
    回覆
    1. 有啲新開或用咗一半嘅扽極都唔出㗎嘛。尤其係玻璃樽裝。

      刪除
  4. 回覆
    1. 但係就唔係正式檢測,唔可以用嚟去髮型屋之類嘅服務嘅證明。

      刪除
  5. 咁要用力搖多佢兩搖喎, 仲要大大力打下佢PATPAT先倒到茄汁架!

    回覆刪除
    回覆
    1. 哈哈,我要去搵啲官打佢哋PATPAT。

      刪除
  6. 香港都係免費,不過前幾日一個朝早派晒,唔知發生乜野事😱

    回覆刪除
    回覆
    1. 香港嗰啲係咪要交番去化驗所?

      刪除
    2. 係呀~
      一兩日通知有無事

      刪除
    3. 呢啲係十五分鐘有結果。

      刪除
  7. 全世界都係又檢測,又疫苗,希望真係可以揾到出路!

    回覆刪除

入咗嚟,不如寫幾隻字,留個言啦.