2021年3月6日星期六

住屋習慣

最近睇咗呢條關於德國嘅住屋習慣嘅片。

奧地利嘅生活習慣都差唔多。就攞嚟介紹吓啦。

德文地址係街冧把放後面,郵編喺城市前。

奧地利入屋都會換鞋。
屋企一定有樽裝有氣水(依家好多人都用氣泡水機啦)。
食甜點一定用細嘅甜品叉。
奧地利好多屋都有呢啲好似鐵閘嘅窗簾。閂晒係可以一粒光都冇㗎。
地牢一定有,畀你放雜物。
極大部份奧地利酒店嘅雙人床都有兩張被。
奧地利租屋通常唔包傢俬。有啲連廚房基本設施都唔包㗎(我見過)。我仲見過連地板都唔包。
到你搬走時就要還原成間屋。補番所有牆上嘅窿啦。牆身油番白啦。

 

19 則留言:

  1. 香港而家入屋多數都會換鞋。香港租屋通常係唔包傢俬。

    回覆刪除
    回覆
    1. 但就唔會誇到連廚房地板都有。

      刪除
  2. 冇諗過要換鞋喎!
    鐵閘噤用過布簾。鐵皮木屋夏天好熱,鐵簾會唔會都好熱?

    回覆刪除
    回覆
    1. 唔赤腳㗎。
      鐵簾夏天用嚟隔熱㗎(落簾,閂窗>夏天防熱措施)。

      刪除
  3. 我地基本都差唔多啦, 不過未必飲有氣水, 但係會飲樽裝水, 食甜品就會用匙羹仔啦

    回覆刪除
    回覆
    1. 漏左, 仲有門口一定有地毯, 入屋前刷乾淨鞋底先行入去

      刪除
    2. 我呢邊冇氣我估啲人會直接飲水喉水囉。話晒都係阿爾卑斯山礦泉水嘛。
      門口地毯我呢層樓好似家家都有。

      刪除
  4. 😑係啦~唔明點解張床要有兩張帔

    回覆刪除
  5. 入屋換鞋起碼,赤腳真係垃圾習慣
    窗閘好過以前d百葉木窗

    回覆刪除
    回覆
    1. 香港我赤腳㗎。
      應該係百葉木窗進化嚟。呢度有啲舊樓都仲有。

      刪除
  6. 各處鄉村各處例
    見多識廣,又知多啲嘢

    回覆刪除
  7. 好少聽人講買奧地利樓……

    回覆刪除
  8. 窗閘幾好。
    入屋除鞋,依加去人家屋企,許多都要咁做,但有冇鞋換,就要看看主人安排。

    回覆刪除

入咗嚟,不如寫幾隻字,留個言啦.